عارف ايه معناه الشعور ده ......... ؟


عارف
لما تفتكر اى حاجة عدت كده
تحس انها بتشدك لذكريات وكمان
انت مش عارف ايه هى الذكريات دى
بس بتشدك لحاجه كده
حاجه انت مش عارفها برده
وساعتها تحس شعور غريب كده
حزن مع الم مع حبة فرح !!

عارف ايه معناه الشعور ده ....... ؟

طب عارف
لما تسمع اغنيهما وتلاقيها بتتكلم عنك
تلاقى نفسك بتبتسم من غير سبب
بس جواك حاسسانك حزين أوى وتعبان
وتلاقى شعور بدأ يدخل اكتر جواك
انت مش فاهمه وبتحاول تفهمه
بس فى الاخر متفهموش

عارف ايه معناه الشعور ده ...... ؟

طيب عارف
لما تروح تقف على البحر كده
وتاخد نفس عميق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
ومش عارف تتخلص منها

عارف ايه معناه الشعور ده ..... ؟

طيب عارف
لما تبقى لسه صاحى من النوم
واليوم لسه مبداش اهو
وتلاقى نفسك على السرير
وغصب عنك تنزل دمعتك
وممكن تفضل تعيط ساعتين بعدها
علي المخده اللى بتحس بيك كل يوم
ايوا اللي بتحس بيك كل يوم قبل متنام
وبعدها تقوم من على السرير
ومحدش يعرف اي حاجه

عارفين الشعور ده ....... ؟


طيب عارفيين
لما تكونوا اصحاب متجمعين فى يوم كده
وكلكوا مهيسين و بتضحكوا
واللى يشوفكوا من بعيد لبعيد
يقول الناس دى رايقه وحياتها تمام اوى
وانتوا اصلا بتضحكوا بس جواكوا مش قادريين وعايزيين تعيطوا
بس محدش حاسس بحاجه ومحدش فاهم حاجه

عارفينه الشعور ده ..... ؟

طيب عارفين
لما تحس انك عايز مساعده من اى حد
اى انسان .. اى مخلوق
تحس انك بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
وحتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق الحقنى
هيقولك بتغرق فى ايه
انت مش عارف
وتفضل تغرق و مش لاقى مساعده

عارفيين الشعور ده ..... ؟

طيب عارفين
لما تكون عايز تسمع كلمه معينه مش شخص معين
كلمه ممكن تكون من حرفين بس
ومش صعب عليه يقولها
وتلاقيه ولا بيتكلم
تحس انه بقي تمثال
ما تتكلم بقى
طيب ماهو انا شايفك بتقوليها مليون مره
شايفها فى عينيكى وحاسسها اوى
بس عايز اسمعها بقى
قوووووولى
اتكلمى
ولما تتكلم
تحس انها بتشفق عليك
طيب لما انت كده
حسستينى بيها من الاول ليه
وبتعيشنى فى الشعور ده ليه
ليه من الاول ولو للحظات

عارف معناه ايه الشعور ده ...... ؟

طيب عارف
لما تبقى عايز تسمع صوت حد اوى واحشك اوى
عايز تسمع صوته تطمن عليه وتفضل مستنى
و مستنى ..... ومستنى
وفى الاخر ميتصلش
لا وبعدين يتصل حد تانى
تقول اخيرا اهو
ترد بلهفة وتسمع صوت حد تانى
ومش ده اللى كنت مستنيه

عارف ايه معناه الشعور ده ....... ؟